2. ebaluazioan Artisautza tailerrean DBH-ko 3. mailako ikasleek Santelmoetarako ikurrinak diseinatu zituzten eta aurtengo festetan kalean jarrita egon dira. Ikasle bakoitzak hiru egin zituen. Ikurrin guztiak desberdinak dira eta lan honetan oihalei tinteak kentzen eta gehitzen ere ikasi dute. Horrekin batera, ikasleek josi egin zituzten eta baita marrazkiak egin ere, pintzelekin edo "stencil" teknika erabiliz.

Ikusi argazki gehiago

Azken bi astetan "Wikierronka" lehiaketak egin ditugu DBH 2. mailako Txikipedia tailerrean. Bikote desberdinak egin ditugu egun bakoitzean eta txapeldun nagusia Maddi Mendiluze izan da, lautik hiru egunetan irabazi baitu. Azken egunean Maddi Agirre eta Naroa Jimenez nagusitu dira.

Astelehenean Errekalde Berri Institutuko ikasleen bisita izan genuen. DBH 3. mailako ikasle eta irakasleok ibilbide polita osatu genuen Zumaian barrena eta eguraldia ere bikaina izan genuen.

Ibilbidean zehar hainbat geldialdi egin ziren; Paolbidean, Inpernupen, Itzurunen, Algorrin, Arritokieta eta San Telmo baselizetan, Parrokian, San Jose iturrian, Aita Mariren bustoaren aurrean eta Beheko plazako erbesteratuen monumentuan. Gure ikasleek puntu hauei buruzko informazioa eman zieten bilbotarrei eta galdera txikiak ere prestatu zituzten. Egun polita pasa genuen benetan!

2021eko Resurreccion Maria Azkue literatura sariak banatu zituen, ostiralean, Euskaltzaindiak Bilboko bere egoitzan. Adinaren arabera bi mailatan banatuta, 10 eta 17 urte arteko ikasleek aurkeztutako idazlanak saritzen dituzte Euskaltzaindiak BBK-rekin batera gazteak literaturaren mundura erakartzeko asmoz antolatutako lehiaketan; narrazioak alde batetik, eta poesiak bestetik. Hamabi sari banatzen dituzte Azkue sariketaren edizio bakoitzean –bi aipamen berezi ere bai azken honetan–, eta 2021ekoan horietako lehen saria, olerki atalean, Zumaia BHIko Sara Uribe-Etxeberria Atxurra ikaslearentzat izan da. Argiak itzaltzen diren tokia izeneko lanarekin irabazi du saria.

Sariak banatzerakoan, epaimahaikideek sail bakoitzean saritutako lanen balorazioa plazaratu zuten. Hain zuzen ere, Yolanda Arrieta, Amaia Jauregizar eta Patxi Zubizarreta izan dira B mailaren barruan aurkeztutako lanak epaitu dituztenak. Haien esanetan, "harresiak desegiteko eta altzairuzko bihotzak apurtzeko poesia, kritika pizteko eta emozioak berpizteko; agian, lo daudenak esnatzeko" poesia da Uribe-Etxeberriaren lana.

Euskal Herri osoko ikastetxeetako 526 ikaslek aurkeztu dituzte lanak, guztira, 2021eko Azkue literatuta sarietara.

Zorionak, Sara! Bejondeizula!