DBH 3DC-ko ikasleek antolaturiko Gabonetako jostailu bilketa solidarioa oso arrakastatsua izan da. Asteartera arte luzatu zen jostailu bilketa eta dagoeneko eraman dituzte jasotako gailuak beharra duten haurren artean banatzeko. Ekimena oso polita izan da.
Aurreko ostiralean, abenduaren 16an, DBH 4. mailako ikasle guztientzako, "Gerta dakizueke" programaren barnean AESLEME elkartetik bi hizlari etorri ziren. Hitzaldiak ordubete iraun zuen eta ikasleak gustora eta adi egon ziren, interesgarria izan zen oso.
Urtero bezala gabonetako postal lehiaketa egin da Zumaiako Institutuan eta 2022ko irabazlea Uma Urbieta izan da (DBH 4D gelakoa).
Bigarren saria DBH 2 mailako bi postalei batera eman zaie, Julen Balenziaga eta Salma Naciri izan dira egileak. Aita Mariko sarreran dituzue aurkeztu diren postal guztiak.
Begiratu argazkiak
Gabon aurreko egun hauetan, Pasaiara gerturatu gara Albaolan eraikitzen ari diren San Juan baleontziaren erreplikaren eraikuntza lanak bertatik bertara ikustera. XVI. mendeko euskal balea arrantzaleen bidaien nondik norakoen berri izan dugu bertan. Ez zen ez bizimodu erraza izango garai hartakoa!
Abenduaren 7an Administrazio eta Finantza Goi Mailako ikasleekin Sammic enpresara egin zen irteera. Bertan administrazio eginkizunak ezagutzeaz gain, nola ekoizten duten ikusi ahal izan genuen.
