Zumaiako Herri Eskolan ditugun 3D inprimagailuekin Zumaiako "maker" sarean hartzen dugu parte.

Bizitzen ari garen egoera berezia dela eta Euskal herriko Unibertsitateak honako ohar hau plazaratu du:

Euskadin, Unibertsitatera Sartzeko Batxilergoaren Ebaluazioa uztailaren 6an, 7an eta 8an izango dira. Cristina Uriarte Hezkuntza sailburuak, UPV/EHUrekin koordinatuta, gaur goizean Hezkuntza Konferentzian bideokonferentzia bidez parte hartu ondoren hartu du erabakia.

Egutegiak jasotzen du, beste zenbait dataren artean, emaitzak uztailaren 15ean argitaratuko direla; ezohiko proba berriz, uztailaren 20an, 21ean eta 22an, eta hauen emaitzak uztailaren 29an.

Eusko Jaurlaritzak egutegi hau ezarri du, aurreikusiz, kasurik txarrenean, ekainaren hasierarako berriz ere eskolak eman ahal izango direla.

Unibertsitatera Sartzeko Batxilergoaren Ebaluazioaren egiturari eta edukiei dagokienez, bere eskumen-berezitasunagatik definitutako eskumen-eremuan oinarrituta, Euskadi arduratuko da egungo probak egokitzeaz, ebaluazio-irizpideak berrikusteaz edo proba mota malgutzeaz. Lan hori Euskal Herriko Unibertsitatearekin koordinatuta egingo da.

Ikasleak benetako komunikazio-egoera batean jarri dituzte eta 2. ebaluazioan landutako albistegintza praktikan jartzeko aukera izan dute. 100 ikaslek osatu dute kazetari konfinatuen erredakzioa eta bakoitzak bi pieza sortu behar izan ditu: idatziz, audioan, bideoan edota argazkian. Beraz, multimedia materiala bildu dute egunotan eta orain guztia ikusgai dago Albirustegia atarian, gozatu! 

Eskolak itxi dira, baina Zumaiako Herri Eskolako ikasleak ez dira gelditu. Alderantziz, euren kazetari trebezia aktibatu egin dute ALBIRUSTEGIA sortzeko. Izan ere, DBH1eko ikasleek webgune berezia argitaratu dute Koronabirusak eragin duen egoera berezi honi buruzko edukiekin: albisteak, aholkuak, fake-news umoretsuak,... Denetik sortu dute ikasleek, etxetik kazetari bihurtuta.

Klikatu hemen

Koronabirusaren krisiak ikastetxearen ohiko martxa eten badu ere hezkuntza jarduerak aurrera darrai telematikoki. Ikasle eta irakasleek teknologia berrietan trebatzeko denbora gehiegi izan gabe aurrera jarraitu dute, eskura dituzten tresnak erabiliz, klaseak ematen. Classroom, Google Meet, Jitsi, Gmail, Whatsapp... Bakoitzak egokien deritzon edo hobekien manejatzen duen plataforma erabiltzen du. Ordenagailuak ere banatu ditugu beharrezkoak dituzten etxeetan.

Egoera berria eta batez ere bapatekoa izanik elkar moldatzen joan beharra daukagu, eta horretan ari gara. Animo, denok elkarrekin gaude eta egoera honetatik ere aterako gara aurrera!!! 

Guraso agurgarriak

COVID-19 koronabirusak EAEko lurralde osoan izandako aurrerapenaren aurrean, eta Eusko Jaurlaritzako Osasun Sailaren jarraibideei jarraituz, Euskal Autonomia Erkidegoko ikastetxe guztien eskola-jarduera presentziala aldi baterako eteteko erabakia hartu da. Honek Zumaiako Institutuari ere eragiten dio noski.

Etenaldi honek gutxienez hilabeteko iraupena izango du bihartik aurrera, martxoaren 13tik aurrera.

Ikasleek adi egon beharko dute eta eskolatik on-line bitartez lanak bidaliko zaizkie etxean egiteko.

Estimados padres/madres

Ante la progresión del Coronavirus COVI-19 en todo el territorio de la C.A.E. y siguiendo las directrices del Departamento de Salud del Gobierno Vasco, os informamos de la decisión adoptada de suspender temporalmente la actividad escolar presencial de todos los Centros Educativos en el ámbito de la Comunidad Autónoma de Euskadi. Esta medida incluye también al instituto de Zumaia.

Dicha suspensión tendrá una duración aproximada de un mes a partir de mañana viernes día 13 de marzo.

Los alumnos/as deben estar atentos/as porque se les enviará on-line trabajo para hacer en casa.