Eskuliburua euskaraz
Eskuliburua gazteleraz







  

Oier Sarasketa Gipuzkoako xake txapelketan hirugarren

Wikimedia Commonseko irudia.

Gure ikaslea den Oier Sarasketak brontzezko domina lortu du Gipuzkoako xake txapelketan.

13 urte dituen arren Gipuzkoako txapelketa absolutuan aritzeko txartela lortu zuen aurrez Xixonen, Donostian eta Barakaldon jasotako puntuei esker. Gipuzkoako xake txapelketan jokalari seniorrak izan ditu aurkari eta hirugarren postua lortu du.

Zorionak Oier, handia egin duzu!

Irakurri Zumaiako Kbi Xake Klubak Baleiken argitaratutako berria!

 

SUGARRETATIK antzezlana oso arrakastatsua izan zen

Zumaiako institutuko ikasleek ekarpen bikaina egin zioten Emakumeen Kontrako Indarkeriaren Aurkako Nazioarteko egunari. "Sugarretatik" antzezlanaren hiru emanaldi eskaini zituzten Aita Mari antzokian.

Antzezlan hau Zugarramurdiko sorginkeria prozesuan oinarritzen bada ere, DBH 1. mailako ikasleak izan ziren gidoia egokitzeaz arduratu zirenak, eta nola ez, beraiek izan ziren antzezlanaren protagonistak.

Hiru emanaldiak oso arrakastatsuak izan ziren. Ikasle, irakasle, herritar nahiz familiartekoek antzerkiez gozatzeko aukera izan zuten. Zorionak ikasleei eta hau antolatzen aritu den orori.

DBH 3ko Asmakizu tailerreko ikasleek Efektu kateatuak eraiki dituzte.

DBH3ko asmakizun tailerrean efektu kateatuen proiektua gauzatu dugu. Ikasleei lan proposamen bat eman zaie, eta horri jarraituz, ondorengo jostailua egin dute: altuera-maila ezberdinak eta gutxienez hiru efektu kateatu dituen kanika jolas bat. Horretarako, aurreko proiektuetatik birziklatutako eta etxetik ekarritako material berriztagarriak erabili ditugu, proiektua ahal den jasangarriena izan dadin.

Emakumezkoen aurkako indarkeriaren kontrako eguna

Azaroaren 25ean Emakumezkoen aurkako indarkeriaren kontrako eguna da eta gaurko egunez manifestazioa eta elkarretaratzea egin ditugu Zumaiako herrian.

Sugarretatik antzezlana azaroaren 24an, DBH 1ekoen eskutik

Azaroaren 24an Zumaiako institutuko ikasleek "Sugarretatik" antzezlanaren hiru emanaldi eskainiko dituzte.

Antzezlan hau Zugarramurdiko sorginkeria prozesuan oinarritzen da eta DBH 1. mailako ikasleak izan dira gidoia egokitzeaz arduratu direnak. Eta nola ez, beraiek izango dira antzezlanaren protagonista. Azaroaren 25ak, Emakumeen Kontrako Indarkeriaren Aurkako Nazioarteko egunak, eskaintzen digu antzezlan honen markoa. Emakumeenganako indarkeriaren kontrako borrokan ikasleek ere beraien ekarpena egin nahi izan dute. Aldarrikapen honekin bat egiten dutela adierazteaz gain, gure ikastetxe nahiz herrian hausnarketa sortu dezakeen antzezlana egingo dute.

Herritarroi, azaroaren 24an, antzezlana ikustera etortzeko gonbitea luzatzen dizuegu. Hona hemen hiru emanaldien ordutegia:

* 10:00etan

* 12:30etan

* 17:00etan