Eskuliburua euskaraz
Eskuliburua gazteleraz







  

Batxi 1eko ikasleak ehunak aztertzen

Batxilergo 1. mailako ikasleak Anatomia ikasgaian oilasko izterretan dauden ehunak aztertzen ibili dira laborategian.

Telmo Lazkanoren hitzaldia irakasleoi:

Aurreko asteazkenean eta oraingoan Telmo Lazkano etorri zaigu hitzaldia ematera. Gurasoei ere eman zien asteartean. Mugikorrek eta orokorrean pantailek ikasleengan duten eragina azaldu zigun, bai eta mehatxuak eta arriskuak ere. Horretaz gain hark Donostiako Institutu batean aurrera eramandako "No Phone Project" egitasmoa azaldu zigun.

DBH 3. mailako ikasleak Zientzia astean

Azaroaren 10ean DBH 3. mailako ikasleak Donostiako Tabakalera Zentrura joan ziren Zientzia astearen inguruan antolaturiko erakusketa ikustera. Bertan hainbat stand aurkitu zituzten eta haietako bakoitzean Unibertsitatean zientzia ikasten ari diren ikasleek haien ikerketak erakutsi zizkieten; robotika, geologia, kimika, arkitektura...

Hainbat kasutan esperimentu praktikoak egiteko aukera ere izan zuten.

Begiratu argazkiak

Saharako proiektuaren aurkezpena DBH 4. mailan

Atzo DBH 4. mailako ikasleek Saharako proiektuaren berri jaso zuten.

Gure ikastetxeko irakasle ohia den eta Darahli elkarteko kidea den Samuel Ruiz izan genuen hizlari. Hark azaldu zigun bi urtetako proiektua dela, beraz DBH 4. mailan hasiko dute ikasleek eta hurrengo ikasturtean Saharako Zug kanpamendura bidaiatuko dute, Argeliako basamortura, hango errealitatea ezagutu eta laguntza lanak egitera.

Palestinarekin elkartasuna

Gaurko egunez Palestinarekin elkartasuna adierazteko eta Gazako sarraskia gelditzeko elkarretaratzeak deituta daude arratsalderako hainbat herritako plazatan.

Zumaiako Institutuko irakasleok ere gure elkartasuna erakutsi nahi izan diegu palestinarrei hamaiketan eskola aurrean egin dugun agerraldian.