Albistegintza eta euskarazko kazetaritzaren historia lantzen aritu dira DBH1 mailako ikasleak ebaluazio honetan, eta gaur 'masterclass' berezia jaso dute Gorka Zabaleta kazetari zumaiarraren eskutik.

Zabaletak ibilbide luzea du euskarazko kazetaritzan eta berak lehen pertsonan bizitako hainbat mugarri garrantzitsu kontatu dizkie: Baleikeren sorrera, Euskaldunon Egunkariaren itxiera, Olinpiar Jokoetako korrespontsal lana edota gaur egungo multimedia eredura eginiko egokitzapena. Ikasleek interes handiz jarraitu dituzte kazetariaren lanbideari buruz emandako xehetasunak eta eurek aldez aurretik prestatutako galderak egiteko aukera ere izan dute.

Eskerrik asko, Gorka, gazteen artean kazetaritzaren harra pizteagatik!  

Batxilergoko 2. mailako Arte eta Latineko ikasleak Italia aldean izan ditugu. Erroman egin dituzte bost egun baina Florentziara joaten ere animatu ziren. Asko ikasi eta asko disfrutatu dute.  

Begiratu argazkiak

Batxilergoko 2. mailako Zientzietako ikasleak Aragoiko Pirineotan egon gara hiru egunez. Helburua Canfranceko Lurrazpiko Laborategia ikustea zen, bertan espaziotik datozen izpi kosmikoetako partikulak aztertzen dituzte. Mundu mailan horrelako hamar laborategi baino ez daude eta guri bertako instalazio eta aparailu oso sofistikatuak erakutsi dizkigute.

Honekin batera hiru egun pasa ditugu Canfranc inguruan eta ikasle batzuek Astungo eski estazioan eskiatzeko aprobetxatu dugu eta beste batzuek Santiago bidearen zatitxo bat egin dugu inguruko naturaz gozatuz eta inguruko historia ezagutuz. Jacan izan dugu hotela eta bertako alde zaharra ere ezagutu dugu.  

Begiratu argazkiak

DBH 4. mailako eta ZIG gelako ikasleok eskupilotak egin ditugu elkarlanean. ZIG gela berriztatuan egon gara eta zein eder jarri duten ikusteko aukera izan dugu.  

Begiratu argazkiak

Irakaskuntza informalean eta esparru pribatuan ematen diren desorekak aztertzea ezinbestekoa zaigu jendarte eredu feminista eta parekidea eraikitzera bidean. Guraso bezala erreproduzitzen ditugun jarrera eta rolak aztertzeaz gain, modu aktiboan heziketa feminista bat martxan jartzen hasteko tresna eta ereduak landuko ditugu. Bestetik, hezkidetzan hezteari begira, ditugun zalantza eta dudak argitzeko espazioa ere izango da.

Martxoaren 2an, astelehena, arratsaldeko 18:00etan dugu hitzordua Zumaiako Herri Eskolako Sagarbideko aretoan.