Zer da guraso elkartea?
Eskolako familien partaidetza organo nagusia da. Funtzio garrantzitsua betetzen du eskolan. Familien parte-hartzea garrantzitsua da hezkuntza bateratu bat eraman ahal izateko.
Zer egiten dugu?
Familiak bazkide izatea garrantzitsua da eta horregatik familia bakoitzak kuota bat ordaintzen du urtero. Eskolak dituen betebeharretan laguntzen dugu: 3 eta 4. DBHko testu liburuen poltsa antolatzen, zenbait ekintza diruz laguntzen ditugu, beste ekintza batzuk antolatzen laguntzen dugu... Guraso eskola ere antolatzen dugu.
Batzordekideok eskolako lan-talde desberdinetan hartzen dugu parte:
- OOG-Eskola Kontseiluan
- Hauspoa proiektuan
- Ikasturte bukaerako bidaian
- ...
Herriko ekintzetan parte hartzen dugu eta herriko beste elkarteekin eta Udalarekin elkartzen gara: esate baterako jaietan, Gabonetan, hainbat kultur ekintzatan... Kalitatezko hezkuntzaren aldeko ekintzetan ere izaten gara eta Baikararekin (Gipuzkoako Guraso Elkarteen Federazioa) koordinatzen gara.
Zeintzun dira gure helburuak?
- Eskolan gure elkartearen presentzia eta inplikazioa bermatzea.
- Bizikidetza sustatzea.
- Gurasoen arteko komunikazioa lantzea: honetarako ikastetxeko web orrialdea eta posta elektronikoa erabiltzen ditugu.
Nola funtzionatzen dugu?
Batzorde barnean urtero kideen kopuru bat urtero aldatzen da, baina batzordekideen egonaldia gutxienez 2 urtekoa izaten da. Ikasturtean zehar batzordea hainbatetan biltzen da eta bertan ateratzen diren gaiak lantzeko ikastetxeko zuzendaritzarekin elkartzen da. Urtean behin Batzar Orokorra egiten da eskolan, familia guztientzako irekia da eta oso garrantzitsua da guztion presentzia, gaiei, diru kontuei eta eskolako programei buruz hitz egiten baita eta zenbait gaietan erabakiak hartzeko unea horixe delako.
Guraso Elkarte barruan talde desberdinak antolatzen dira egin beharreko lana banatzeko: Baikara, Hauspoa, Organo Gorena, Bidaia, Liburu poltsa, Koordinazio taldea,…
Zuzendaritza Batzordearean organigrama:
- Lehendakaria
- Idazkaria
- Idazkari ordea
- Diruzaina
- Hauetaz aparte bokalak daude: 6 eta 20 artean.
Harremanetan jartzeko:
GURASO ELKARTEA
gurasoelkarteazhe@gmail.com
LIBURU POLTSA
liburuak.telmodeunge@gmail.com
